Sýningarsalurinn okkar er í Faxafeni 10, 108 Reykjavík, 2.hæð. Hægt er að bóka tíma hjá okkur á [email protected] til að koma og hitta sölumann eða heyra í okkur í síma 571-3535. Erum með uppsett 15 m2 hús með öllum helstu fylgihlutum. 

Þegar valið er gler í gróðurhús er miðað við sömu reglur og um annað íbúðarhúsnæði. Eru reglurnar meðal annars settar til að varna glerskurðarslysum og tryggja öryggi fólks. Íslenskar sérreglur eru byggðar á sænskum sérreglum sem byggingarstofnunin Boverket í Karlskrona hefur sett fram um val glergerða og Glascentrum í Växjö hefur útfært. Þar segir meðal annars að:

• Allar gólfsíðar rúður skuli vera með öryggisgleri
• Allar rúður sem ná neðar en  60 cm frá jörðu skuli vera með öryggisgleri
• Í öllum hurðum skuli vera öryggisgler

Kostir við hert gler öryggisgeler eru ótvíræðir þegar kemur að styrk og gæðum enda er hert öryggisgler allt að 5x sterkara en hefðbundið flot gler. Þá brotnar flotgler í stórar skífur sem geta auðveldlega valdið glerskurðarslysum á meðan hert gler molnar í litlar gleragnir sem eru nær hættulausar.

BK Hönnun ehf selur eingöngu hert öryggsigler með glerskálunum okkar, en ekki venjulegt flotgler.

Við bjóðum upp á stál styrktarbita til að styrkja ál grindina í okkar gróðurhúsum. Bitarnir eru úr stáli og eru settir efst í samskeyti á milli veggs og þaks, og undir mæni.

Við erum með skrá yfir vana uppsetningamenn sem taka að sér að setja gróðurhúsin okkar upp fyrir viðskiptavini. Verð er mismunandi eftir því um hvaða hús er að ræða og hvaða vinna er innifalin. 

Öll okkar gróðurhús eru afhent ósamsett. Í nær öllum tilfellum er um að ræða eitt bretti með gleri og svo 2-3 kassa af ál listum og fylgihlutum. Stærðirnar eru alla jafnan svona:

• Gler bretti: B 80 cm, L 120 cm, H 220 cm
• Prófílakassi 1  – B 30 cm, H 20 cm, L (jafn löng og gróðurhúsið sem keypt er)
• Prófílakassi 2 – B 30 cm, H 20 cm, L 310 cm.

Í flestum tilfellum er best að fá gróðurhúsið sent með sendibíl með lyftu þangað sem á að setja húsið upp. Gler brettið vegur alla jafnan frá 500-800 kg. og er ekki ætlaði í hýfingar. Ekki er mælt með því að hýfa glerbretti með krana nema á þar til gerðum palli. Ekki er æskilegt að “velta” glerkistu á hliðina til að flytja á kerru. 

Vöruafhending er af vörulager okkar á Dofrahellu 9 í Hafnarfirði. 

Þó nokkuð margir viðskiptavinir hafa valið að sækja gróðurhús til okkar og nota til þess kerru. Í slíkum tilfellum mælum við með því að notast sé við kerrur sem meiga bera þyngdina á húsinu (sölumenn veita upplýsingar um þyngd á pöntuðum húsum). Best er að kerran henti til að hlaða á með lyftara og að hún sé nægilega löng til að lengstu pakkarnir passi á hana. Mikilvægt er að hafa í huga að gler brettið er allt að 2,2 m á hæð og þarf að flytast í standandi stöðu. Þá þarf að sjálfsögðu að tryggja að farmurinn sér vel festur niður áður en haldið er af stað.

Við erum með hús uppsett um allt land. Vesturland, Vestfirðir, Norðurland, Austurland, Suðurland, Verstmannaeyjar, Suðurnes og að sjálfsögðu um allt höfuðborgarsvæðið. Samtals hafa verið sett upp vel á þriðja hundrað hús (vetur 2022). 

Við eigum alla jafna allt til í húsin ef upp kemur óhapp. Hvort sem það brotni gler, bæta eigi við hurð eða glugga eða bara að setja upp hillur.

Aukahluti (hillur, bakka og vinnuborð) eigum við alla jafna í flestum stærðum í svörtum lit. 

Húsnæðis- og Mannvirkjastofnun gefur út leiðbeiningar við byggingarreglugerð. Við bendum okkar viðskiptavinum góðfúslega á gildandi leiðbeiningar við grein 9.7.6 sem má einnig nálgast hér. 

Afhendingartími á húsum úr “Action model” línunni er alla jafna stuttur, eða 2-4 vikur á vor og sumartíma. Sérsmíðuð hús úr “Custom model” línunni eru með lengri afhendingartíma. Sölumenn veita nánari upplýsingar á [email protected] eða í síma 571-3535.

Það eru ýmsar aðferðir við að grunda gróðurhúsin okkar. Algengast er að húsin séu fest niður á steyptar eða hlaðnar undirstöður og gólf sé með útiflísum eða hellum. Einnig eru húsin stundum sett á sólpalla en þá þarf að passa að loka fyrir blástur undan gólfinu. Í sumum tilfellum eru hlaðnir veggir undir húsin og þau sett á 20-40-60 cm háan sökkul vegg. Í sumum tilfellum eru steyptir sökklar og plata, allt fer þetta eftir óskum eiganda um endanlegt útlit og hvernig upplifun verið er að sækjast eftir. Sölumenn veita ráðgjöf með val á undirstöðum sé þess óskað.